ეკონომიკის მინისტრის, ნათია თურნავას თქმით, ექსპრეზიდენტ მიხეილ სააკაშვილის განცხადებები უკვე "ანეკდოტს" ემსგავსება, ნაციონალური მოძრაობა კი ცდილობს ქვეყანა კვლავ "წარსულ მოგონებებში" ჩაითრიოს. ასე ეხმაურება იგი პრემიერმინისტრობის კანდიდატად სააკაშვილის წარდგენას.

"იმასაც გეტყვით ახლა, რა თქმა უნდა, ნახევრად ხუმრობით, რომ პანდემიაა, მთელი მსოფლიო გადავიდა დისტანციურ რეჟიმზე მუშაობის. გამიგია მე დისტანციური მუშაობა, გამიგია დისტანციური სწავლება, მაგრამ დისტანციური პრემიერობის კანდიდატობა ეს რაღაცა ნაციონალების ნოუ-ჰაუა", — აცხადებს თურნავა.

7 სექტემბერს ნაციონალური მოძრაობამ და ძალა ერთობაშიამ ყოფილი პრეზიდენტი, მიხეილ სააკაშვილი პრემიერმინისტრობის კანდიდატად წარადგინეს. როგორც ნაციონალური მოძრაობის თავმჯდომარემ, გრიგოლ ვაშაძემ განაცხადა, მათ გადაწყვეტილება ერთობლივად მიიღეს.