ევროპული საქართველოს ლიდერის, დავით ბაქრაძის განცხადებით, საარჩევნო კოდექსში შეზღუდვების გამკაცრებით მმართველი გუნდი ცდილობს, რომ გამოასწაროს საკუთარი იმიჯი უცხოელ პარტნიორებთან.

ბაქრაძე აღნიშნავს, რომ ამგვარი შეზღუდვები არ მოქმედებს ქართულ ოცნებასთან დაკავშირებულ პირებზე, რადგან სწორედ ქართული ოცნებაა ამგვარი დარღვევების მთავარი ინიციატორი.

"ყველა ეს კონკრეტული ინიციატივა ქართულმა ოცნებამ ჩააგდო და არცერთი არ იქნა მიღებული. ამიტომ, იმ პირობებში როდესაც არ არსებობს რაიმე კონკრეტული მექანიზმი, საუბარი იმაზე, რომ თურმე პასუხისმგებლობის ფორმა, ზოგადად იცვლება ადმინისტრაციულიდან სისხლის სამართლებრივზე, ეს არის უბრალოდ მცდელობა მოატყუონ ჩვენი უცხოელი პარტნიორები და გამოასწორონ ნაწილობრივ ის ძალიან დაზიანებული იმიჯი, რომელიც ქართულ ოცნებას გააჩნია საერთაშორისო საზოგადოებაში. დღემდე, ყველა ეს მოქმედება იყო დასჯადი", — განაცხადა დავით ბაქრაძემ.

ამავე თემაზე:

ქართული ოცნება გამოდის ინიციატივით, საარჩევნო კოდექსში შევიდეს ცვლილება, რომლის თანახმადაც, ამომრჩევლის იძულება, დაშინება და ხმის მიცემის ფარულობის დარღვევა სისხლის სამართლის კოდექსით დასჯადი ქმედება გახდება.

მმართველი გუნდის ლიდერისა და პარლამენტის თავმჯდომარის, არჩილ თალაკვაძის განცხადებით, საკანონმდებლო ცვლილებებს პარლამენტში დღეს დაარეგისტრირებენ და სექტემბერში რეგლამენტით გათვალისწინებულ სესიებზე განიხილავენ.