გაერთიანება ლელო საქართველოსთვის თავმჯდომარე მამუკა ხაზარაძე, სოფელ ბისოს სიახლოვეს ავტოსაგზაო შემთხვევას ეხმაურება და დაღუპულთა ოჯახებს სამძიმარს უცხადებს.

"შატილის გზაზე საშინელი ტრაგედია მოხდა. ავტოავარიის შედეგად გარდაცვლილია 17 ადამიანი. ეს უდიდესი დანაკარგი და ტკივილია თითოეული ჩვენგანისთვის. ასეთი თავზარდამცემი ამბის შემდეგ რთულია შესაბამისი ფორმის მოძებნა, რომ ახლობელი ადამიანები ანუგეშო. ლელოს და მისი ყველა წევრის სახელით ვუსამძიმრებ დაღუპულთა ოჯახებს და მათ ახლობლებს", — ნათქვამია ხაზარაძის განცხადებაში.

დუშეთის მუნიციპალიტეტში, შატილის გზაზე მიკროავტობუსი 80 მეტრის სიმაღლიდან გადავარდა, გარდაიცვალა 17 ადამიანი, 3 მძიმედ დაშავდა.