დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

მცხეთის სამედიცინო ცენტრში კორონავირუსით ინფიცირებული 5 ადამიანი შეიყვანეს, მათ შორის 4 ყაზბეგიდანაა და ისინი ერთი ოჯახის წევრები არიან.

როგორც On.ge-ს მცხეთის სამედიცინო ცენტრის კლინიკურმა დირექტორმა განუცხადა, ოჯახის წევრებიდან ორი ბავშვია და მათი ასაკი ათ წლამდეა.

"გადმოიყვანეს საღამოს საათებში 5 დადასტურებული პაციენტი. 4 გახლავთ ყაზბეგიდან. ესენი არიან ერთი ოჯახის წევრები, ახლო ნათესავები. დადასტურებულ შემთხვევასთან კონტაქტს წარმოადგენენ ისინი. წყარო ცნობილია, მათი ოჯახის წევრია, რომელიც როგორც ვიცი, საბაჟოს თანამშრომელია. მეხუთე დუშეთიდან არის, ახალგაზრდა მამაკაცი", — ამბობს ლიკა მუმლაძე.

მისივე ინფორმაციით, ხუთივე პაციენტის მდგომარეობა სტაბილურია და ისინი კვლევის პროცესში იმყოფებიან.

ამ დრომდე არსებული მონაცემებით, საქართველოში კორონავირუსი სულ 1 283 ადამიანს დაუდასტურდა, მათ შორის, გამოჯანმრთელებულია 1 068 ადამიანი, გარდაცვლილი — 17. დღეს დადასტურებული შემთხვევები StopCov.ge-ზე ხვალ დილით აისახება.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: