აზერბაიჯანის თავდაცვის სამინისტროს განცხადებით, აზერბაიჯანსა და თურქეთს შორის სამხედრო თანამშრომლობის შეთანხმების საფუძველზე, ერთობლივი ფართომასშტაბიანი წვრთნები დაიწყება. უწყების ინფორმაციით, ინფორმაციით, წვრთნებში ორივე ქვეყნის სამხედრო პერსონალი, ჯავშან ტექნიკა, არტილერია და საავიაციო ტექნიკა ჩაერთვება.

მათივე ინფორმაციით, წვრთნები ბაქოსა და ნახიჩევანში პირველი აგვისტოდან ხუთ აგვისტომდე, ხოლო სამხედრო ავიაციის მონაწილეობით 29 ივლისიდან 10 აგვისტომდე ჩატარდება.

12 ივლისს სომხეთ-აზერბაიჯანის საზღვარზე, ტოვუზის რაიონში სამხედროებს შორის დაპირისპირება მოხდა. უცნობია, რომელმა მხარემ გახსნა ცეცხლი პირველად, რადგან სროლის პროვოცირებაში ორივე ქვეყანა ერთმანეთს ადანაშაულებს. ბოლო მონაცემებით, საზღვარზე დაპირისპირება გრძელდება.

კონფლიქტის დაწყებისთანავე მალევე, თურქეთმა აზერბაიჯანს მხარი დაუჭირა და მომხდარში სომხეთი დაადანაშაულა.