სომხეთის თავდაცვის სამინისტროს განცხადებით, აზერბაიჯანელმა სნაიპერმა სომეხი ჯარისკაცი მოკლა. სომხური მედიის ინფორმაციით, დაწყებულია გამოძიება რასობრივი, ეთნიკური და რელიგიური შეუწყნარებლობის მიზეზით მკვლელობაზე.

როგორც გამოცემა წერს, ორშაბათს, დილის 01:10 საათზე, საზღვრის ჩრდილო-აღმოსავლეთით აზერბაიჯანული მხარიდან გასროლის შედეგად სომეხი ჯარისკაცი, აშოტ მიკაელიანი გარდაიცვალა.

12 ივლისს სომხეთ-აზერბაიჯანის საზღვარზე, თოვუზის რაიონში სამხედროებს შორის დაპირისპირება მოხდა. უცნობია, რომელმა მხარემ გახსნა ცეცხლი პირველად, რადგან სროლის პროვოცირებაში ორივე ქვეყანა ერთმანეთს ადანაშაულებს. დაპირისპირება ამ დრომდე გრძელდება.