საავტომობილო გზების დეპარტამენტის ინფორმაციით, ისეთი რთული მეტეოროლოგიური პირობების გამო, როგორიცაა ძლიერი თოვა, ლიპყინული და შეზღუდული ხილვადობა, ხაშური-ახალციხე-ვალეს საავტომობილო გზის ერთ მონაკვეთზე მოძრაობის წესები შეზღუდულია:

"საერთაშორისო მნიშვნელობის ხაშური-ახალციხე-ვალეს (თურქეთის რესპუბლიკის საზღვარი) საავტომობილო გზის კმ80-კმ93 მონაკვეთზე, მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა დასაშვებია მხოლოდ მოცურების საწინააღმდეგო ჯაჭვების გამოყენებით. დანარჩენი სახის ავტოტრანსპორტის მოძრაობა თავისუფალია".

საავტომობილო გზების დეპარტამენტის განცხადების მიხედვით, გზის დანარჩენ მონაკვეთებზე ავტოტრანსპორტის მოძრაობა თავისუფალია.