პრემიერმინისტრ გიორგი გახარიას თქმით, ზუსტად არ ახსოვს 20 ივნისის აქციის დაშლასთან დაკავშირებით საგამოძიებო უწყებაში რამდენჯერ იყო დაბარებული, მისი თქმით, ახსოვს ის, რომ დაკითხვაზე 2-ჯერ ნამდვილად იმყოფებოდა.

რაც შეეხება კითხვას, რამდენი სამართალდამცავია ბრალდებულად ცნობილი 20 ივნისის აქციის საქმეზე, მისი თქმით, ის უკვე 8 თვეა შს მინისტრი აღარაა და მეხსიერებიდან რაღაცები წაეშალა.

"სამწუხაროდ, უკვე 8 თვე გავიდა, რაც შინაგან საქმეთა მინისტრი აღარ ვარ და რაღაცები მეხსიერებაში იშლება. 20 ივნისთან დაკავშირებით, უამრავი სხვადასხვა კითხვა იქნება, ვინ გასცა ბრძანება, ისროდნენ თუ არა დამიზნებით, არ ისროდნენ, ეს ყველაფერი არის მეორეხარისხოვანი, აი, ასე, ჩემთვის არის მეორე ხარისხოვანი. ჩემთვის მთავარი არის ის, რომ 20 ივნისს ერთი წელი გავა, ორი თუ ბევრი წელი გავა ამის შემდგომ, ეს იყო ქმედება, რომლითაც შს სამინისტრომ და საქართველოს სამართალდამცავმა სისტემამ ქვეყანას აარიდა დიდი დესტაბილიზაცია და არეულობა. ეს იყო პარლამენტზე შტურმი, სახელმწიფო ინსტიტუტზე შტურმი, რომელიც შს სამინიტრომ, მისმა თითიოეულმა თანამშრომელმა, მაშინ არ დაუშვა. ეს იყო მათი მოვალეობა, რაც მათ უნდა გაეკეთებინათ და მათ ეს გააკეთეს", — განაცხადა მან