ევროპული საქართველოს ერთ-ერთი ლიდერი, გიგა ბოკერია აცხადებს, რომ მომავალ პრემიერს უნდა ჰქონდეს მძიმე მდგომარეობიდან გამოყვანის ხედვა, ანუ "ევროპული საქართველოს წევრი უნდა იყოს". ამის შესახებ მან დღეს, 2 ივნისს ჟურნალისტებს განუცხადა და აღწერა, როგორი უნდა იყოს მათთვის სასურველი პრემიერი:

"ის უნდა იყოს ძლიერი გუნდის ლიდერი და უნდა ჰქონდეს ხედვა ამ ძალიან მძიმე მდგომარეობიდან როგორ გამოიყვანს ქვეყანას. ეკონომიკაში როგორ დაწევს გადასახადებს, როგორ გაუადვილებს ცხოვრებას ჩვენს მოქალაქეებს. როგორ გადატეხავს სასამართლში იმ მემკვიდრეობას, რომელიც ჩვენ ვერ მოვიშორეთ და როგორ წაიყვანს ქვეყანას თავისუფალი სამყაროსკენ. მოკლედ, ახლა, რომ დაგიხასიათოთ, როგორი უნდა იყოს, "ევროპული საქართველოს" წევრი უნდა იყოს".

გიგა ბოკერიამ ჟურნალისტებს, ასევე, უთხრა, რომ ევროპული საქართველოს პრემიერობის კანდიდატზე, მისი წარდგენის შემდეგ ისაუბრებენ, ხოლო სხვა გაერთიანებების შიგნით მიმდინარე დისკუსიაზე კომენტარს არ გააკეთებს.