ვიცე-პრემიერისა და ინფრასტრუქტურის მინისტრის, მაია ცქიტიშვილის თქმით, 300-ლარიანი კომპენსაციის მისაღებად ამ ეტაპისთვის 58 ათასი ადამიანი დარეგისტრირდა. ამის შესახებ მან იმედის ეთერში განაცხადა.

მისივე თქმით, თვითდასაქმებულები სხვა პირებთან ერთად კომპენსაციას უახლოეს დღეებში მიიღებენ:

"მნიშვნელოვანი კომპონენტი არის თვითდასაქმებულები და თვითდასაქმებულთა საკომპენსაციო პაკეტი. ჩვენ გამოვთქვით მზაობა, რომ დაახლოებით 200 ათასი თვითდასაქმებულისთვის გადაგვეხადა ერთჯერადი 300 ლარიანი კომპენსაცია, რა თქმა უნდა, იმ პირობით, რომ ელემენტარული დასტური იქნებოდა იმისა, რომ თვითდასაქმებული იყო ეს ადამიანი".

მას შემდეგ, რაც მთავრობამ ანტიკრიზისული გეგმა და კომპენსაციების გაცემის სისტემა წარადგინა, ოპოზიცია აცხადებს, რომ გეგმა ყველა მოქალაქეს არ მოიცავს. მათ მაგალითად მოჰყავთ თვითდასაქმებულები, რომელთა რაოდენობა 800 ათასია, თუმცა ერთჯერადი 300-ლარიანი კომპენსაცია მხოლოდ 200 ათასს შეეხება.

ამავე თემაზე: