შსს-ს ინფორმაციით, ცეცხლსასროლი იარაღისა და საბრძოლო მასალის უკანონო შეძენა-შენახვა-ტარებისა და ნარკოტიკული საშუალების უკანონო შეძენა-შენახვის ბრალდებით, 3 პირი დააკავეს.

უწყების ცნობით, სამართალდამცველებმა სამივე პირი თბილისში, მარჯანიშვილის ქუჩაზე იმ დროს დააკავეს, როდესაც ერთ-ერთი ბრალდებულის მართვის ქვეშ მყოფი მსუბუქი ავტომობილით გადაადგილდებოდნენ. პოლიციამ, დაკავებულების პირადი, ავტომანქანის და საცხოვრებელი სახლების ჩხრეკის შედეგად, 2 პისტოლეტი, 2 მჭიდი და სხვადასხვა ტიპის ცეცხლსასროლი იარაღისთვის განკუთვნილი 48 საბრძოლო ვაზნა ამოიღეს. ორი მათგანის საცხოვრებელი სახლიდან ასევე ამოღებულია ნარკოტიკული საშუალება.

გამოძიება დაიწყო ცეცხლსასროლი იარაღის და საბრძოლო მასალის უკანონო შეძენა-შენახვა-ტარების და ნარკოტიკული საშუალების უკანონო შეძენა-შენახვის ფაქტებზე მიმდინარეობს სისხლის სამართლის კოდექსის 260-ე მუხლის პირველი ნაწილით, 236-ე მუხლის მე-2 და მე-3 ნაწილებით.