დაავადებათა კონტროლის ცენტრის ხელმძღვანელის ხელმძღვანელის, ამირან გამყრელიძის თქმით, მთავარი სლოგანი #დარჩისახლში კვლავ ძალაში რჩება. ამის შესახებ მან ბრიფინგზე განაცხადა.

გამყრელიძის განცხადებით, პიკის გადაივლის შემდეგ ქვეყანამ არსებული მდგომარეობიდან გამოსვლა უნდა დაიწყოს.

"ყველა ის ღონისძება, რომელიც გატარდა იანვრიდან დღემდე, იყო ძალიან დროული და მიზანდასახული, ყოველთვის ის იძლეოდა შედეგს. შედეგი გახლავთ ეს, რომ 408 შემთხვევაა ქვეყანაში დაფიქსირებული", — აღნიშნა მან.

27 აპრილიდან დაიწყება შეზღუდვების მოხსნა, მათ შორის, გადაადგილების შეზღუდვის. საგანგებო მდგომარეობა 22 მაისამდე გახანგრძლივდება, ხოლო ავტომობილებით გადაადგილების შეზღუდვა 27 აპრილს მოიხსნება.

საქართველოში კორონავირუსის 408 დადასტურებული შემთხვევაა, მათ შორის, გამოჯანმრთელებულია 95 და გარდაცვლილი 4 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: