დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელი, ამირან გამყრელიძე ამბობს, რომ მომავალი 3-4 კვირა საკმაოდ რთული იქნება.

მისი თქმით, ამ პერიოდში ყველამ მაქსიმალურად უნდა დაიცვას რეკომენდაციები იმისთვის, რომ ეს პიკური პერიოდი ქვეყანამ ნაკლები დაზიანებით გადაიაროს.

"ჩვენ შიდა გავრცელების შემთხვევები გვაქვს უკვე 22-23 მარტიდან, ამიტომ როგორც წესი, შემდგომი შვიდი-რვა კვირა, როცა შიდა გავრცელება იწყება, არის ხოლმე რთული. ამიტომ ყველა უნდა მოვეკიდოთ ძალიან მაღალი სიფრთხილით მომავალი სამი-ოთხი კვირის განმავლობაში თქვენს ქცევებს", — განუცხადა საზოგადოებრივ მაუწყებელს ამირან გამყრელიძემ.

ბოლო მონაცემებით საქართველოში კორონავირუსით ინფიცირების 399 შემთხვევაა დადასტურებული. მათ შორის გამოჯანმრთელებულია 93 პაციენტი, ხოლო გარდაცვლილია 4 ადამიანი. კარანტინის რეჟიმში 4 782 პირი რჩება, ხოლო სტაციონარში მეთვალყურეობის ქვეშ 503 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: