რუსეთის პრეზიდენტის, ვლადიმერ პუტინის გადაწყვეტილებით, ქვეყანამ სისხლის სამართლის საერთაშორისო სასამართლოსთან თანამშრომლობა შეწყვიტა, მან უარი თქვა რომის სტატუტში მონაწილეობაზე. ინფორმაციას Interfax ავრცელებს.

ადგილობრივი იურიდიული ინფორმაციის ოფიციალურ პორტალზე გამოქვეყნებულ განცხადებაში ნათქვამია, რომ შეტყობინება ამის შესახებ გაეროს გენერალურ მდივანს უკვე გაეგზავნა. განკარგულება ძალაში მას შემდეგ შევა, რაც მას ხელი მოეწერება.

განცხადებაში ნათქვამია, რომ გადაწყვეტილება აღნიშნულის შესახებ რუსეთის იუსტიციის სამინისტროს წინადადების საფუძველზე მიიღეს, რომელიც, თავის მხრივ, შეთანხმებული იყო რუსეთის საგარეო საქმეთა სამინისტროსთან, უზენაეს სასამართლოსთან, გენპროკურატურასთან და სხვა უწყებებთან.

2016 წლის იანვარში რუსეთის საგარეო უწყების წარმომადგენელმა, მარიამ ზახაროვამ განაცხადა, რომ სამომავლოდ რუსეთი აღნიშნულ სასამართლოსთან ურთიერთობის გადახედვას გეგმავდა. ამის მიზეზი გახლდათ ის, რომ რუსეთი გაოცებული იყო სასამართლოს გადაწყვეტილებით, რომლის თანახმადაც, უნდა გამოძიებინათ სამხრეთ ოსეთის მოსახლეობასა და რუსეთის სამხედრობთან დაკავშირებული გავრცელებული ინფორმაცია.

2016 წლის 27 იანვარს სასამართლომ განაცხადა, რომ პროკურატურას უფლება მისცა, გამოეძიებინა ის დანაშაულები, რომელებიც შესალოა მომხდარიყო 2008 წლის აგვისტოს ომის დროს. სასამართლომ ივარაუდა, რომ აღნიშულ პერიოდში საქართველოს წინაღმდეგ რუსეთმა დანაშაული ჩაიდინა.

რომის სტატუსი საერთაშორისო შეთანხმებაა, როლის საფუძველზეც სისხლის სამართლის საერთაშორისო სასამართლო დაარსდა. ის 1998 წლის 17 ივლისს მიიღეს და ძალაში 2002 წლის 1 ივლისს შევიდა. რუსეთმა აღნიშნულ შეთანხმებას ხელი 2000 წლის 13 სექტემბერს მოაწერა, თუმცა, ამ დრომდე რატიფიცირებული არ ჰქონია.

სისხლის სამართლის საერთაშორისო სასამართლო ყველაზე სერიოზულ დანაშაულებს განიხილავს, რომელის მთელი საერთაშორისო საზოგადოების შეშფოთებას იწვევს: გენოციდის გამოვლინება, დანაშაული კაცობრიობის წინაშე, სამხედრო დანაშაულები და ა.შ.