მსოფლიოში ერთ-ერთმა ყველაზე ცნობილმა თანამედროვე მწერალმა, ჯოან როულინგმა 6 აპრილს ტვიტერზე გამოქვეყნებული პოსტში განაცხადა, რომ მას სპეციალური ტესტის ჩატარების შემდეგ კორონავირუსი არ დაუდგინდა, თუმცა COVID-19-ით ინფიცირების სიმპტომები ორი კვირის განმავლობაში ჰქონდა.

ჰარი პოტერის წიგნების სერიის ავტორის განცხადებით, ის ამჟამად სრულიად გამოჯანმრთელებულია და თან ბრიტანელი ექიმის ვიდეო გააზიარა, რომელიც გვასწავლის, თუ როგორ უნდა გავუმკლავდეთ სუნთქვასთან დაკავშირებულ პრობლემებს, რაც კოროვირუსის ერთ-ერთი სიმპტომია.

"მე სრულად გამოვჯანმრთელდი და სწორედ ეს მეთოდი დამეხმარა ამაში", — წერს როულინგი.

რამდენიმე დღის წინ ამ ბრიტანელმა მწერალმა ბავშვებისთვის, მათი მშობლებისთვის, მასწავლებებისთვისა და უბრალოდ ჰარი პოტერის წიგნების სერიის ერთგული მკითხველებისთვის ახალი პლატფორმა შექმნა, რათა თვითიზოლაციაში ყველას კიდევ ერთი ახალი შემეცნებითი და გასართობი თავშესაქცევი ჰქონოდა.

ამ დრომდე მთელ მსოფლიოში კორონავირუსით ინფიცირების მილიონზე მეტი შემთხვევაა დაფიქსირებული, მათ შორის ინფექცია ისეთ ცნობილ ადამიანებსაც დაუდგინდათ, როგორებიც არიან ტომ ჰენკსი და მისი ცოლი, რიტა უილსონი, მსახიობი იდრის ელბა და GOT-ის ვარსკლვავი კრისტოფერ ჰივიუ.