ჯანდაცვის მსოფლიო ორგანიზაცია დონალდ ტრამპს პასუხობს და ამბობს, რომ ვირუსებს ეთნიკური წარმომავლობა არ აქვთ და არც ის აინტერესებთ, ვის რამდენი ფული აქვს. ამის შესახებ ჯანდაცვის მსოფლიო ორგანიზაციის საგანგებო პროგრამების დირექტორმა დირექტორმა მაიკ რაიანმა განაცხადა.

"ვირუსები საზღვრებს არ ცნობენ და მათ არც ეთნიკური წარმომავლობა აინტერესებთ, არც კანის ფერი და არც ის, რამდენი ფული გაქვს ბანკში. ამიტომ, ძალიან მნიშვნელოვანია, რომ ფრთხილად ვიყოთ იმ ენასთან, რომელსაც ვიყენებთ", — განაცხადა რაიანმა.

აშშ-ს პრეზიდენტი, დონალდ ტრამპის თქმით, კორონავირუსი ჩინურია და ამ განცხადებაში რასისტული არაფერია.

"ეს საერთოდ არ არის რასისტული, არა. ის ჩინეთიდან მოდის და ამიტომ არის ჩინური. მე მინდა, რომ ზუსტი ვიყო", — განაცხადა ტრამპმა.