აშშ-ს მხარდაჭერილმა სირიულმა სამხედრო ძალებმა სირიის ქალაქ რაკას ასაღებად, რომელიც სირიაში ე.წ. ისლამური სახელმწიფოს დე-ფაქტო დედაქალაქია, სპეცოპერაცია უკვე დაიწყეს. ინფორმციას Reuters ავრცელებს.

როგორც სირიის დემოკრატიული სამხედრო ძალები და ქურთებისა და არაბებისგან შემდგარი სამხედრო ალიანსი იტყობინებიან, სპეცოპერაცია 5 ნოემბერს, საღამოს დაიწყო. სპეცოპერაციის ფარგლებში, აშშ საჰაერო ავიაიერიშების კოორდინაციას უზრუნველყოფს.

ქალაქი რაკა ISIS-ის ერთ-ერთი მყარი დასაყრდენია, სადაც მას აქვს სასწავლო ბანაკები და საიდანაც ის სხადასხვა ოპერაციას მართავს. დაჯგუფება ქალაქში არსებულ ბანკებზე, სკოლებზე, მეჩეთებსა თუ სხვა დაწესებულებაზე ზედამხედველობას ახორციელებს.

რაკას გათავისუფლებისთვის დაწყებული სპეცოპერაცია ეტაპობრივად განხორციელდება და საბოლოოდ რაკას ტერორისტებისგან გაათავისუფლებენ.