დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

ეკონომიკის მინისტრის მოადგილე, გენადი არველაძე წერს, რომ ოჯახის წევრებთან ერთად თვითიზოლაციაშია. მისი თქმით, მეგობარს კორონავირუსი დაუდასტურდა, რის შემდეგაც საკარანტინო ზომას თავად მიმართა. ამის შესახებ ინფორმაცია გენადი არველაძემ Facebook-ზე გამოაქვეყნა.

"მიუხედავად იმისა, რომ დღეს ვირუსთან დაკავშირებული არცერთი სიმპტომი არ მაქვს, დაუყოვნებლივ მივმართე ექიმს და გავიარე კონსულტაცია საჭირო ქმედებებთან დაკავშირებით. ბუნებრივია, სამსახურში არ გამოვცხადებულვარ, მით უფრო, რომ უქმე დღე იყო და არც არავის შევხვედრილვარ ოჯახის წევრების გარდა, რომლებიც ჩემსავით თვითიზოლაციაში არიან", — წერს გენადი არველაძე.

ეკონომიკის მინისტრის მოადგილე იმ მოქალაქეებს, რომლებიც რისკ ჯგუფის ქვეყნებში იყვნენ, ან შეხება ჰქონდათ ინფიცირებულ ადამიანთან, მოუწოდბეს, რომ თვითიზოლაციის რეჟიმში გადავიდნენ.

9 მარტის მდგომარეობით, საქართველოში კორონავირუსი 15 ადამიანს დაუფიქსირდა. ბოლო მონაცემებით, კარანტინში 178 ადამიანი იმყოფება, ხოლო სტაციონარში მეთვალყურეობის ქვეშ — 56.

ინფექციური საავადმყოფოს დირექტორის, მარინა ეზუგბაიას თქმით, ერთ-ერთ შემთხვევას კავშირი ჰქონდა მეოთხე პაციენტთან, რომელიც იტალიაში იყო. კიდევ ერთი ახალი შემთხვევა კი ესპანეთიდან ჩამოვიდა, თუმცა ჯერჯერობით უცნობია, ჰქონდა თუ არა მას იტალიელებთან კონტაქტი.

პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს. ამასთანავე. 7 მარტს კორონავირუსით ინფიცირების კიდევ 4 შემთხვევა დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: