გორისა და ატენის მიტროპოლიტი, ანდრია გვაზავა ამბობს, რომ ელოდებოდა და ახლაც ელის, რომ პრეზიდენტი გიორგი მამალაძის შეწყალებაზე სინოდის მიმართვას გაითვალისწინებს.

"მე ველოდებოდი ქალბატონი პრეზიდენტისგან, რომ გათვალისწინებული იქნებოდა სინოდის მიმართვა და მე ამას დღესაც ველოდები, რომ იქნება გამოჩენილი სულგრძელება და გაითვალისწინებენ სინოდის თხოვნას", — თქვა ანდრია გვაზავამ მთავარ არხთან საუბრისას.

დეკანოზი გიორგი მამალაძის ოჯახი სასჯელის გადავადებას ითხოვს. ოჯახი აცხადებს, რომ გიორგი მამალაძის ჯანმრთელობის მდგომარეობა მძიმეა და მათ მკურნალობის საშუალება არ ეძლევათ. თბილისის საქალაქო სასამართლო დეკანოზის სასჯელის გადავადებასთან დაკავშირებით ხვალ, 27 თებერვალს იმსჯელებს.