პარლამენტის თავმჯდომარე არჩილ თალაკვაძეს მიაჩნია, რომ აშშ-ში მისი სამუშაო ვიზიტი საქართველოს გამოადგება. ამის შესახებ მან აშშ-დან დაბრუნების შემდეგ ჟურნალისტებს განუცხადა.

"მიმაჩნია, რომ ეს სამუშაო ვიზიტი, ჩვენს ქვეყანას აუცილებლად გამოადგება. ჩვენ გვაქვს კიდევ რამდენიმე მაღალი დონის ვიტი დაგეგმილი შეერთებულ შტატებში. ამერიკა ჩვენი ნომერ პირველი სტრატეგიული პარტნიორია, ჩვენი ქვეყნების ორმხრივ ურთიერთობებს არაფერი ემუქრება და საქართველოს ევროატლანტიკურ დღის წესრიგს, საქართველოს განვითარებასა და ჩვენს პრიორიტეტებს აქვს ძალიან ძლიერი მხარდაჭერა აშშ-ში", — განაცხადა არჩილ თალაკვაძე.

რაც შეეხება კონგრესმენებთან შეხვედრასა და მათ კრიტიკულ წერილებს, თალაკვაძე აცხადებს, რომ მათ თითოეულ საკითხთან დაკავშირებით დეტალურად ისაუბრეს:

"კითხვები და პოზიციები, რომელიც ჩვენ მივიღეთ კონგრესმენების მხრიდან, მიღებულია როგორც მეგობრების მოსაზრება. ჩვენ ვალდებულად ჩავთვალეთ ჩვენი თავი, რომ ჩავსულიყავით პირდაპირ გვესაუბრა კოლეგებთან ამ საკითხზე. ეს საუბარი შედგა ყველა საკითხზე".

მან კიდევ ერთხელ გაიმეორა, რომ დაბალი მხარდაჭერის მქონე პარტიები საარჩევნო კამპანიას აშშ-ში ატარებენ.

საქართველოს დელეგაციის ვიზიტი აშშ-ში მას შემდეგ დაიგეგმა, რაც ბოლო თვეების განმავლობაში შტატებიდან ხელისუფლებამ რამდენიმე კრიტიკული წერილი მიიღო. წერილებში კრიტიკის მიზეზად ბოლოდროინდელ მოვლენები სახელდებოდა, რომლებმაც აშშ-სთან საერთო ღირებულებების არსებობაზე კითხვები გააჩინა. კონგრესმენები ამბობდნენ, რომ საქართველო პირველად განიხილებოდა უარყოფით შუქზე.