რუსთავის საქალაქო სასამართლომ ოჯახის წევრის განზრახ მკვლელობისთვის ბრალდებული დამნაშავედ ცნო და 13 წლით თავისუფლების აღკვეთა მიუსაჯა.

პროკურატურის ცნობით, სასამართლო პროცესზე გამოკვლეული მტკიცებულებებით დადასტურდა. ბრალდების მასალებით, 2019 წლის 23 ივნისს ნასვამ მდგომარეობაში მყოფმა პირმა ცოლს სიტყვიერი და ფიზიკური შეურაცხყოფა მიაყენა, ხოლო ქალიშვილის შეურაცხყოფით განაწყენებულმა მამამ შურისძიების მიზნით, სიძეს დანით მუცლის არეში ჭრილობა მიაყენა. მიღებული დაზიანების შედეგად სიძე გარდაიცვალა.

სამართალდამცველებმა ბრალდებული 2019 წლის 24 ივნისს რუსთავში დააკავეს. მას ბრალდება საქართველოს სისხლის სამართლის კოდექსის 11'.109-ე მუხლის მერე ნაწილის "ვ" ქვეპუნქტით (განზრახ მკვლელობა, ჩადენილი ოჯახის წევრის მიმართ) წარედგინა და აღკვეთის ღონისძიების სახით პატიმრობა შეეფარდა.