უკრაინის ავიახაზების წარმომადგენლის ინფორმაციით, თვითმფრინავი, რომელმაც ავიაკატასტროფა განიცადა, თეირანის აეროპორტიდან აფრენიდან თითქმის 2 წუთში რადარებიდან გაქრა. მისი თქმით, ეს იყო ერთ-ერთი საუკეთესო თვითმფრინავი, რომელსაც "შესანიშნავი, სანდო ეკიპაჟი" ჰყავდა. მისივე განცხადებით, გაურკვეველი დროით ირანში ფრენებს შეწყვეტენ.

მანვე სთხოვა მედიასა და საზოგადოებას, რომ მხოლოდ ოფიციალური ინფორმაცია გაავრცელონ, რადგან ფეისბუქსა და ტვიტერზე დეზინფორმაცია ვრცელდება, რაც გარდაცვლილთა ოჯახებს აზარალებს.

უკრაინის საერთაშორისო ავიახაზების თვითმფრინავის კატასტროფის შედეგად ბორტზე მყოფი ყველა ადამიანი დაიღუპა. უკრაინის ეროვნული უსაფრთხოების საბჭო აცხადებს, რომ ბორტზე 177 ადამიანი იმყოფებოდა, მათგან 168 მგზავრი და 9 ეკიპაჟის წევრი იყო.

როგორც Reuters წერს, შემთხვევა, სავარაუდოდ, ბოინგის ტექნიკურ პრობლემას უკავშირდება. თვითმფრინავი, რომელიც კიევისკენ მიფრინავდა, თეირანის აეროპორტიდან აფრენიდან მალევა ჩამოვარდა.

უკრაინული ავიახაზების ტექნიკური დირექტორის განცხადებით, ბოინგი 2016 წელს გამოშვებულია და ბოლო ტექნიკური შემოწმება 6 იანვარს გაიარა. მისი თქმით, შემოწმებისას პერსონალს არანაირი ტექნიკური ხარვეზი არ აღმოუჩენია და არც ეკიპაჟს უცნობებია რაიმე სახის პრობლემაზე.

BBC-ის კორესპონდენტი, ალი ჰაშემი ტვიტერზე ავრცელებს კატასტროფის ამსახველ ვიდეოს:

ფოტო: Ali Hashem

ფოტო: AP

ფოტო: gett

ფოტო: Reuters