დღეს, პარლამენტის წინ ჟურნალისტების სოლიდარობის აქცია გაიმართა. აქციაში მონაწილეობდნენ, როგორც თბილისის, ისე რეგიონული მედიის წარმომადგენლები. შეკრების ორგანიზატორი ჟურნალისტური ეთიკის ქარტიაა.

ორგანიზატორების თქმით, ბოლო პერიოდში არაერთხელ დაფიქსირდა ჟურნალისტებისთვის პროფესიული საქმიანობის განხორციელებაში ხელშეშლის ფაქტები და სწორედ ამ ფაქტების გამოძიებისკენ მოუწოდებენ ხელისუფლებას. მაგალითად მათ მოჰყავთ თბილისის საკრებულოს შენობიდან და პარლამენტის კომიტეტის სხდომიდა ჟურნალისტების გამოძევების ფაქტები.

ქარტიის განცხადებით, ზემოთ აღწერილ პრობლემებზე ხელისუფლების რეაქცია არ არის სათანადო, ხშირად ზეწოლის ფაქტებზე დაწყებული გამოძიებები ფორმალურ სახეს ატარებს და არ მიმდინარეობს კანონით დადგენილი წესით და შესაბამისი კვალიფიკაციით, მათივე თქმით, არცთუ იშვიათად მაღალი პოლიტიკური თანამდებობის პირები თავად ახდენენ მედიაზე ძალადობის წახალისებას.

დღეს, 21 დეკემბერს 6 თვე სრულდება ე.წ "გავრილოვის ღამის" საპროტესტო აქციის დაშლიდან, სადაც მედიის 40-მდე წარმომადგენელი დაზიანდა, თუმცა ამ ფაქტის შესახებ ეფექტური გამოძიება და ჟურნალისტების დაშავებაში მონაწილე პირების გამოვლენა და დასჯა დღემდე არ მომხდარა.

ნახეთ ფოტორეპორტაჟი აქციიდან:

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge