ქართული ოცნების თავმჯდომარე, ბიძინა ივანიშვილი სამწუხაროდ უწოდებს იმ ფაქტს, რომ პროპორციულ საარჩევნო სისტემასთან დაკავშირებით მათ მიცემული დაპირება ვერ შეასრულეს მისივე თქმით, ამით გუნდი დაზიანდა.

"მე ძალიან ვუფრთხილდები ყოველთვის საკუთარ სიტყვებს და მთელი ცხოვრება ასე მიცხოვრია. არამარტო მე ყველა პასუხისმგებლიანი პოლიტიკოსი განიცდის, როდესაც ამბობს და ვერ აკეთებს. ჩვენ ცილს გვწამებდნენ მუდამ, რომ რაღაც ვერ შევასრულეთ, რაღაცა ვერ გავაკეთეთ, მაგრამ მე არც ერთი პრინციპული არ მახსოვს ჩვენი შვიდწლიანი მმართველობის განმავლობაში, რომ რამე სერიოზული დაპირება ჩვენ არ შეგვისრულებინა. მე ზოგადად ძალიან ვუფრთილდები დაპირებას, ასჯერ და ათასჯერ ვზომავ, რომ თუ პირდები უნდა გააკეთო. და მოხდა ეს. რა თქმა უნდა, განვიცდი პირადად, განიცდიან გუნდში, განიცდიან ისინიც, ვინც მხარი არ დაუჭირა. განიცდიან იმას, რომ გუნდმა ვერ შეძლო".