"ისეთი ცვლილებები გვაქვს დაგეგმილი, რომ საქართველოში რეიტინგით პირველი ან მეორე არხი გავხდეთ", - ეს განცხადება მაესტროს გენერალურმა დირექტორმა, ზურაბ ნაყეურმა On.ge-სთან საუბარში გააკეთა და განმარტა, რომ არხზე პოლიტიკურ გადაცემებს შესაძლოა სახელი და ფორმატი შეუცვალონ, თუმცა მათი დახურვა არ იგეგმება:

"ბიუროები არ დაგვიხურია, ბიუროები შევამცირეთ. ქუთაისში ბათუმსა და შიდა ქართლში ბიუროები დავტოვეთ. სამეგრელოსა და კახეთში ორწლიანი ხელშეკრულებები გვქონდა და დავასრულეთ".

დღეს მაესტროს საინფორმაციო სამსახურის უფროსმა, ხატია ქვათაძემ ჩვენთან საუბარში განაცხადა, რომ კახეთსა და სამეგრელოში მაესტროს ბიუროები ხარჯების ოპტიმიზაციის მიზნით დაიხურა.