"მზეზე ვთბებით" — ასე უპასუხა ცენტრალურ ოფისთან მდგარმა პოლიციელმა TV პირველის ჟურნალისტის კითხვას, თუ რატომ იდგნენ ისინი ქართული ოცნების ცენტრალურ ოფისთან. ტელეკომპანიის ინფორმაციით, მმართველი გუნდის ოფისთან პოლიციაა მობილიზებული.

დღეს, 17 ნოემბერს საპროტესტო აქცია პარლამენტის წინ შუადღით, სამ საათზე გაიმართება. აქციის ორგანიზატორი სხვადასხვა სამოქალაქო მოძრაობა და ოპოზიციური პარტიაა. გარდა ამისა, პატრიოტთა ალიანსის ორგანიზებით საპროტესტო აქცია იქნება რესპუბლიკის მოედანზე.

პარლამენტში შენობაში უკვე განლაგებულია გაძლიერებული საპოლიციო ძალები. მთავარის ინფორმაციით, საკანონმდებლო ორგანოში სპეცრაზმმა იარაღიც შეიტანა. საპატრულო პოლიციის უფროსი, ვაჟა სირაძე ამბობს, რომ პარლამენტში ცეცხლსასროლი იარაღი არ არის.