მოძრაობა ლელოს დამფუძნებელმა მამუკა ხაზარაძემ დღეს, 16 ოქტომბრის ბრიფინგზე თბილისის მერის, კახა კალაძის განცხადებას "დამარცხებული პოლიტიკოსების სალაპარაკო ენა" უწოდა.

"ვფიქრობ, რა ვუპასუხო კალაძეს. ალბათ, არ ვუპასუხებ, რამეთუ მისი ლექსიკა არ შეესატყვისება, არათუ პოლიტიკოსის, არამედ, კაცის ლექსიკას. ეს არის ჩემთვის დამარცხებული პოლიტიკოსების სალაპარაკო ენა, იმ პოლიტიკოსების, რომლებმაც ჩვენი ქვეყანა ასეთ დღეში მიიყვანა".

დღეს, 16 ოქტომბერს თბილისის მერმა, კახა კალაძემ მამუკა ხაზარაძის შესახებ საუბრისას თქვა, რომ მას შემდეგ, რაც პოლიტიკაში მოვიდა "საზოგადოებას ეჭორავება":

"დიდი ეჭვი მაქვს, ხაზარაძემ ანაკლიის პროექტის განხორციელება შეძლოს, მას არც ფინანსური რესურსი აქვს ამის და არც გონებრივი შესაძლებლობები...".