პრემიერ-მინისტრი, გიორგი გახარია ამბობს, რომ მაკო გომურს, რომელმაც 20 ივნისს თვალი დაკარგა დაზარალებულის სტატუსს პროცედურების დასრულების შემდეგ მიანიჭებენ.

"დაზარალებულად ცნობას აქვს თავისი პროცედურები და, როგორც ვიცი, მაკო გომურთან მიმართებაში ეს პროცედურები მიმდინარეობს. როგორც კი დასრულდება, ის იქნება დაზარალებულად ცნობილი", — თქვა მინისტრმა ჟურნალისტებთან.

საქართველოს ახალგაზრდა იურისტთა ასოციაციის მონაცემებით, 20-21 ივნისის მოვლენებთან დაკავშირებით დაზარალებულად უფრო მეტი სამართალდამცავია ცნობილი, ვიდრე აქციის მონაწილე. მათ შორის დაზარალებულად ცნობილი არაა, მაკო გომური და გიორგი სულუაშვილი. ორივე მათგანმა აქციის დაშლისას თვალი დაკარგა

მონაცემების მიხედვით, დაზარალებულად 67 სამართალდამცავი და 4 მოქალაქეა ცნობილი. ამავე საქმეზე ბრალი წაუყენეს 3 სამართალდამცავსა და 17 მოქალაქეს.