საქართველოს ყოფილმა პრეზიდენტმა მიხეილ სააკაშვილმა საპარლამენტო არჩევნების ეგზიტპოლების გამოქვეყნების შემდეგ პირველი კომენტარი გააკეთა. სააკაშვილმა ფეისბუკის საკუთარ გვერდზე გავრცელებულ ვიდეოში თქვა რომ ნაციონალური მოძრაობა ცალკეულ ოლქებში ლიდერობს. მან ასევე ეგზიტპოლის შედეგებში, პატრიოტთა ალიანსის პოზიციაზეც გააკეთა კომენტარი:

"ძალიან მნიშვნელოვანი ინფორმაციაა რომ ფაშისტური პატრიოტთა ალიანსი ბარიერს ვერ ლახავს. ამ მომენტში პროპორციული სიით, მანდატებს შორის ორ დარჩენილ პარტიას შორის განსხვავება არის სულ რამდენიმე მანდატი. მაჟორიტარული ოლქების შემოსული ოქმებით, ნაციონალური მოძრაობა ამ მომენტისათვის ლიდერობს. ეს ნიშნავს იმას, რომ ახლა კომისიებში უნდა ვიმუშავოთ ძალიან მაგრად. არავინ არ უნდა მიატოვოს პოსტი კომისიებში, ძალიან მნიშვნელოვანია ახლა თითოეული მანდატის დაცვა და ის რომ ყოველი ოქმი იყოს დაცული".