ლეიბორისტების ლიდერის, შალვა ნათელაშვილის ინფორმაციით, მისი პარტიის წევრებს არაერთხელ შესთავაზეს თანხა იმისთვის, რომ მათ ლეიბორისტური პარტია დაეტოვებინათ. ის განმარტავს, რომ პარტიის ერთ-ერთ წევს თავისი კანდიდატურის მოხსნის სანაცვლოდ 50 ათასი დოლარი შესთავაზეს:

"ბინძური რეჟიმი [იგულისხმება ქართული ოცნება] 50 ათას დოლარს სთავაზობდა ჩვენს ერთ-ერთ კანდიდატს იმისთვის, რომ მას, ასე ვთქვათ, დანებება და კაპიტულაცია გამოეცხადებინა. მათ ერთხელ და სამუდამოდ უნდა გაიგონ, რომ ფულის დიქტატურა და ფულის ზეობა დამთავრდა. მე კიდევ ერთხელ მოვუწოდებ საქართველოს ყველა მოქალაქეს მოვიდეს საარჩევნო უბნებზე და საქართველო გაიმარჯვებს".