თეთრიწყაროს მუნიციპალიტეტის სოფელ მარაბდასთან ავტოსაგზაო შემთხვევას ორი კაცი ემსხვერპლა. შინაგან საქმეთა სამინისტროში On.ge-ს უთხრეს, რომ ერთმანეთს მსუბუქი მანქანა და ტრაილერი შეეჯახა.

გამოძიება სისხლის სამართლის კოდექსის 276-ე მუხლის მერვე ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ორი ან მეტი ადამიანის სიცოცხლის მოსპობა გამოიწვია.