ქართული ოცნების აღმასრულებელი მდივანმა, ირაკლი კობახიძემ უწყებათაშორის კომისიის შეხვედრაზე განაცხადა, რომ ის ფლობს კონკრეტულ ინფორმაციას დაგეგმილი დესტაბილიზაციის შესახებ და შეუძლია ამის შესახებ სამართალდამცავ ორგანოებს უამბოს:

"ეს ვიდეოჩანაწერები ზუსტად ასახავს იმ ინფორმაციას, რომელიც ჩვენ გვაქვს ნაცმოძრაობის ოფისებისგან. თუ დაგვიკავშირდებიან, ჩვენ ჩვენს ხელთ არსებულ ინფორმაციას აუცილებლად მივაწვდით სამართალდამცავ ორგანოებს. ჩვენთვის ძალიან მნიშვნელოვანია ის, რომ საარჩევნო პროცესები კვლავაც წარიმართება მშვიდობიან გარემოში. ეს ყველაფერი ასე უნდა გაგრძელდეს არჩევნების ბოლომდე".

ფარულ აუდიო ჩანაწერში, რომელიც 27 სექტემბერს გამოქვეყნდა, ისმის მიხეილ სააკაშვილისა და ერთიანი ნაციონალური მოძრაობის ლიდერების ხმა, რომლებიც თითქოს საუბრობენ საქართველოში მოვლენების რევოლუციური სცენარით განვითარებაზე. ჩანაწერში ისმის საუბარი რუსთაველის გამზირის კარვებით გავსებაზე, ივანიშვილის სახლთან აქციებზე, ასევე, მის მიმართ ფიზიკურ ანგარიშსწორებაზე, თუმცა, თავად საუბრის მონაწილეები აცხადებენ, რომ ეს საუბარი რეალური არ არის და ის სახელმწიფო უსაფრთხოების სამსახურის მიერაა დამონტაჟებული.

აღნიშნულთან დაკავშირებით სახელმწიფო უსაფრთხოების სამსახურმა გამოძიება სისხლის სამართლის კოდექსის 315-ე მუხლის 1-ლი ნაწილით დაიწყო.