საპარტნიორო ფონდის ხელმძღვანელი, დავით საგანელიძე ამბობს, რომ, "წესით", დეკლარაციას არ უნდა ავსებდეს, რადგან, მისი განმარტებით, საჯარო მოხელე არაა. ამის შესახებ მან პარლამენტში სიტყვის გამოსვლის დროს ისაუბრა.

საპარტნიორო ფონდმა, რომლის შემადგენლობაშია საქართველოს რკინიგზა, გაზისა და ნავთობის კორპორაცია, თელასის აქციების 24,5%, ელექტრო სისტემა და სხვა კომპანიები 2017 წელს 440 მილიონზე მეტი ზარალით დაასრულა. ამ წელს ფონდის ხელმძღვანელმა, დავით საგანელიძემ თანამდებობრივ სარგოდ 336 ათასი ლარი აიღო (თვეში 24 500 ლარი). 2018 წელს მისი შემოსავალი 294 ათასი ლარი იყო. ამ წელს რა მოცულობის ზიანი ჰქონდა საპარტნიორო ფონდს ჯერ უცნობია.