იუსტიციის სამინისტროს განცხადებით, ე.წ. დეპორტირებულების საქმეზე რუსეთმა ათმილიონიანი კომპენსაცია სამთვიან ვადაში არ გადაიხადა. იუსტიციის სამინისტრომ ევროპის საბჭოს მინისტრთა კომიტეტისაგან საქმის უახლოეს სხდომაზე გაძლიერებული ზედამხედველობის პროცედურით განხილვა მოითხოვა.

გარდა ამისა, მინისტრთა კომიტეტს აგრეთვე ეთხოვა ამ ვალდებულების შეუსრულებლობასთან დაკავშირებით რუსეთისგან ოფიციალური განმარტების მოკლე ვადაში მიღება.

ე.წ. დეპორტირებულების საქმეზე ადამიანის უფლებათა ევროპულმა სასამართლომ დიდი პალატის 2019 წლის 31 იანვრის გადაწყვეტილებით (რომლის მიხედვითაც, საქართველომ რუსეთს დავა კომპენსაციის ნაწილშიც მოუგო) რუსეთის ფედერაციას საქართველოს სასარგებლოდ 10 მილიონი ევროს ოდენობის კომპენსაციის გადახდა დაავალა. ეს თანხა განაწილდება 2006 წლის შემოდგომაზე რუსეთის ფედერაციიდან მასობრივი დეპორტაციისა და ადამიანის უფლებების უხეში დარღვევების მსხვერპლ პირებზე.