ქალი და მისი მცირეწლოვანი შვილი, რომელმაც ფეისბუქზე ფიზიკური ძალადობის შესახებ დაწერა, ექსპერტიზაზე იმყოფებიან. ამის შესახებ ინფორმაცია შინაგან საქმეთა სამინისტრომ გაავრცელა.

უწყებიც ცნობით, ქალისა და მისი ყოფილი მეუღლის ოჯახებმა 2017 წელს პოლიციას რამდენჯერმე მიმართეს. აქედან არცერთი ფაქტი არ ეხებოდა არასრულწლოვნის მიმართ ძალადობას.

"პოლიციამ ყველა ფაქტზე მოახდინა რეაგირება და დაიწყო გამოძიება, მათ შორის,
რამდენიმე პირი მიეცა პასუხისგებაში", — ნათქვამია განცხადებაში.

უწყების მიერ გავრცელებულ განცხადებაში ნათქვამია, რომ 2018 და 2019 წლებში, ქალისა და მისი შვილის მიმართ განხორციელებულ ძალადობაზე, აგრეთვე ოჯახების სხვა წევრთა მიმართ განხორციელებულ ძალადობაზე პოლიციაში შეტყობინება არ შემოსულა.

ვანის პოლიციაში ახალგაზრდა ქალის და მისი მცირეწლოვანი შვილის მიმართ შესაძლო ძალადობის ფაქტზე გამოძიება ოჯახში ძალადობის მუხლით დაიწყო. ქალი ყოფილი ქმრის მეგობარს და მის ოჯახს, რომელიც ასევე მისი ნათესავებიც არიან, ფიზიკურ ანგარიშსწორებაში ადანაშაულებს.