შპს "საქართველოს ფოსტასა" და შპს "საქართველოს ლატარიის კომპანიას" შორის გარიგება. რომელიც აღნიშნულია სახელმწიფო აუდიტის დასკვნაში, სასამართლო განჩინების საფუძველზე შედგა.

აღნიშნული გარიგების აქტის შინაარსი არ ეწინააღმდეგებოდა არცერთი კომპანიის ინტერესს და ამასთანავე არ დარღვეულა სახელმწიფო ინტერესი, რადგან ამავე გარიგების შედეგად მიღებული თანხა და ქონება მიექცა სახელმწიფო საკუთრებაში. აქედან გამომდინარე გარიგება განხორციელდა კანონის და სახელმწიფო ინტერესების სრული დაცვით.

რაც შეეხება შპს "საქართველოს ფოსტის" მიერ გაცემულ დანამატებს, გაცემული იქნა ზეგანაკვეთური სამუშაოს შესრულებისთვის, რაც ბუნებრივია საფოსტო დარგის სპეციფიკიდან გამომდინარე მოხდა.

აღსანიშნავია, რომ შპს "საქართველოს ფოსტა" კერძო სამართლის იურიდიულ პირს წარმოადგენს და იგი უფლებამოსილია გასცეს დანამატები ზეგანაკვეთური, თუ სხვა დამატებითი შესრულებული სამუშაოსთვის.

შრომითი სამართლებრივი დავების ნაწილში გასათვალისწინებელია, რომ შპს "საქართველოს ფოსტის" მიმართ შრომითი დავები წარმოიშვა 2013 წელს შრომის კოდექსში შეტანილი ცვლილებების შემდეგ, რადგან სასამართლოებმა შრომითი უფლებების დაცვის მაღალი სტანდარტი ცვლილებებამდე განთავისუფლებულ დასაქმებულებზეც გაავრცელეს, რაც 2011-2012 წლებში გათავისუფლებული თანამშრომლებისთვის გახდა საფუძველი, რომ სამართლებრივი დავა ეწარმოებინათ , მიუხედავად იმისა, რომ მათი გათავისუფლება იმ პერიოდისთვის მოქმედი შრომითი კანონმდებლობის სრული დაცვით მოხდა.

დასახელებული წინასწარ გაუთვალისწინებადი გარემოებების გამო კი, კომპანიამ შეიმუშავა მორიგებების სტრატეტია, რამაც მნიშვნელოვნად დაზოგა კომპანიის ფინანსური რესურსები.