ევროპის საბჭოს გენერალური მდივანი, თავის წლიურ ანგარიშში, 2013 წლის 17 მაისის აქციაზე თბილისში განვითარებულ მოვლენებს ახსენებს.

ევროპის საბჭოს გენერალური მდივანი, ტორბიორნ იაგლანდი, 2016 წლის ანგარიშში, რომელიც ადამიანის უფლებებს, კანონის უზენაესობასა და დემოკრატიას ეხება, ევროსასამართლოს საქმეს "იდენტობა და სხვები საქართველოს წინააღმდეგ" განიხილავს.

"ზოგიერთი ქვეყნის მთავრობამ ვერ შეასრულა თავისი მოვალეობა იმისთვის, რომ დაეცვა დემონსტრანტები ძალადობისგან. საქმეში იდენტობა და სხვები საქართველოს წინააღმდეგ ევროპის ადამიანის უფლებათა სასამართლომ დაადგინა, რომ აქციაზე, რომელიც ლგბტ საზოგადოების წევრების უფლებების დაცვის მიზნით გაიმართა, სამართალდამცავმა უწყებებმა თავდასხმის მსხვერპლი ადამიანების სათანადო დაცვა ვერ შეძლეს",- წერია ანგარიშში.