განათლებისა და შრომის ასოციაციის წევრის, ხატია ახალაიას სოციალურ ქსელში მას შემდეგ ემუქრებიან, რაც სექსუალური განათლების შესახებ ვიდეოკაგვეთილების მომზადება დაიწყო. ახალაია ამბობს, რომ მისი გაკვეთილები ბავშვების ცნობიერების ამაღლებას ემსახურება, რათა მათ ინფორმაცია დამახინჯებული გზებით არ მიიღონ.

ხატია ახალაია გადაცემა P.S.-ში ყვება, რომ მას ფიზიკური გასწორებითა და გაუპატიურებით ემუქრებიან. გარდა ამისა, მუქარას იღებდა ოჯახისა და შვილების მისამართითაც. ის ამბობს, რომ ამის შემდეგ სახლის დატოვების ეშინია.

როგორც გენდერის მკვლევარი On.ge-სთან ამბობს, შინაგან საქმეთა სამინისტროს ოფიციალური განაცხადებით დღეს 18 თებერვალს მიმართავს. მისივე თქმით, ვიდეოგაკვეთილების ჩაწერა დროებით შეწყვიტა და არ იცის მომავალში გააგრძელებს თუ არა.

"საქმეზე ვერ ვკონცენტრირდები, არ ვიცი ჩავწერთ თუ არა [ვიდეოგაკვეთილებს], როგორც ადამიანი ძალიან ცუდ დღეში ვარ", — ამბობს ახალაია.

ლანძღვისა და მუქარის ადრესატი იყო განათლებისა და შრომის ასოციაციაც. ორგანიზაციაში ფიქრობენ, რომ შეტევის უკან ღიად პრორუსული ძალები დგანან.

მუქარასთან დაკავშირებით On.ge შინაგან საქმეთა სამინისტროს დაუკავშირდა. უწყებს პასუხს მიღებისთანავე შემოგთავაზებთ.