ქართული ოცნების პოლიტსაბჭო დღეს საგანგებო წერილს გამოაქვეყნებს. მის შინაარსზე ქართული ოცნების წარმომადგენლებმა დღეს, 4 დეკემბერს იმსჯელეს. პოლიტსაბჭოს წევრები განცხადების შინაარსზე მის გასაჯაროვებამდე არ საუბრობენ.

ქართული ოცნების დეპუტატი, გედევან ფოფხაძე ადასტურებს, რომ პოლიტსაბჭოს განცხადება სასამართლოში მიმდინარე საკითხებს უკავშირდება.

მისი თქმით, ის სრულად არ ეთანხმება განცხადების შინაარს და ფიქრობს, რომ ეს განცხადება არ ასახავას სასამართლო სისტემაში მიმდინარე პროცესებს ობიექტურად. მისი თქმით, განცხადება რამდენჯერმე გადაიკითხა და შინაარსობრივად არ გაცნობია.

"მე მომეჩვენა, რომ განცხადება წარმოადგენს მოსამართლეთა კორპუსისა და იუსტიციის საბჭოს იმ მოსამართლეების მხარდაჭერას, რომლებიც ამ დღეებში აკეთებდნენ პოლიტიკურ განცხადებებს, პოლიტიკური პოზიციით. ჩემი აზრით, აქცენტები კეთდება იმისკენ, რომ სასამართლოში კარგი სიტუაცია გვაქვ, ამას თავს ესხმის ნაციონალური მოძრაობა და ამის უფლება ნაციონალურ მოძრაობას არ უნდა მივცეთ", — განაცხადა გედევან ფოფხაძემ.

მისი თქმით, ნაციონალური მოძრაობა ამ შემთხვევაში არაფერ შუაშია და ობიექტურად გვაქვს სასამართლოში პრობლემები.

"მიმაჩნია, რომ დამოუკიდებლობის ის ხარისხი, რომელიც პოლიტიკური თვალსაზრისით მიიღეს მოსამართლეებმა კეთილსინდისიერად არ გამოიყენეს, ამ ბოკო დროს ჩვენ ვხედავდოთ მოსამართლეთა კორპუსის მხრიდან პოლიტიკურ განცხადებებს და იმ სიასთან დაკავშირებით არასწორ პოზიციას. თუ ჩვენ გვინდა ობიექტურად შევაფასოთ სასამართლოში განვითარებული პროცესები ეს განცხადება ამას არ ასახავს", — განაცხადა გედევან ფოფხაძემ.