რუსთავში, ერთ-ერთ საცხოვრებელ სახლში ხანძარი იყო, რის გამოც ერთმა კაცმა დამწვრობა მიიღო, მეორე მცხოვრებმა კი კვამლისგან ინტოქსიკაცია.

საგანგებოს ცნობით, სტატისტიკა აჩვენებს, რომ ხანძრის დროს ადამიანების გარდაცვალების მთავარი მიზეზი კვამლით ინტოქსიკაციაა. დაკვამლიანებისას მნიშვნელოვნად მცირდება მხედველობის არეალი, რაც შენობიდან გასასვლელი გზების პოვნას ართულებს.

ცეცხლმოკიდებულ შენობაში ყოფნის დროს მნიშვნელოვანია ვიცოდეთ, როგორ გადავრჩეთ. სწორედ, ამიტომ საგანგებო სიტუაციების მართვის სამსახურმა ხანძრის დროს გასათვალისწინებელი რეკომენდაციები გამოაქვეყნა.

მეხანძრეები გირჩევენ, რომ:

  • არ სცადოთ ცეცხლთან ბრძოლა, თუ ამისთვის მზად არ ხართ;
  • ვიდრე მეხანძრე-მაშველები თქვენს დასახმარებლად მოვლენ, ეცადეთ, რომ იპოვოთ სველი ნაჭერი და აიფაროთ სახეზე;
  • ეცადეთ, დაიხაროთ და გახოხდეთ, რადგან იატაკთან ახლოს ტემპერატურა დაბალია და ეს ზრდის თქვენი გადარჩენის შანსს;
  • არასოდეს დატოვოთ უყურადღებოდ საევაკუაციო ნიშანი.