2000 წელს, მისურიში მცხოვრები რიჩარდ ჯონსი 24 წლის იყო, როცა იმ დანაშაულის გამო დააკავეს, რომელიც მას არ ჩაუდენია. 17 წლის შემდეგ, უდანაშაულო კაცმა ციხიდან თავის დაღწევა შეძლო. 42 წლის ასაკში მას ზარალის ანაზღაურების მიზნით 1,1 მილიონი დოლარი გადაუხადეს.

ჯონსი ქალის გაქურდვისა და სასტიკად ცემის ბრალდებით დაპატიმრეს. საქმე ის არის, რომ თვითმხილველმა ის ამოიცნო, სინამდვილეში კი დანაშაული მისმა ორეულმა ჩაიდინა. იმის მიუხედავად, რომ ჯონსს ალიბი ჰქონდა და მისი დნმ დანაშაულის ადგილზე არ არსებობდა, ის მაინც დააპატიმრეს.

დაკავებული წლების განმავლობაში ცდილობდა ციხიდან თავის დაღწევას, თუმცა — უშედეგოდ. ციხეში ყოფნიდან რამდენიმე წლის შემდეგ მან აღმოაჩინა, რომ რეალური დამნაშავე, რომელიც მას ძალიან ჰგავდა, იმავე ციხეში მოათავსეს.

მარცხნიდან მარჯვნივ: რიჩარდ ჯონსი და რიკი ამოსი

ხელმეორედ გასაჩივრების შემდეგ, ჯონსის ინტერესებს კანზასის უნივერსიტეტის იურიდიული ფაკულტეტის სტუდენტები იცავდნენ. მსხვერპლმა ჯონსისა და მისი ორეულის, რიკი ამოსის გარჩევა ვერ შეძლო. ასევე აღმოჩნდა, რომ ამოსი იმ ტერიტორიაზე ცხოვრობდა, სადაც ყაჩაღობა მოხდა. მოსამართლემ ჯონსი სასამართლოდან გაათავისუფლა.

"წლების განმავლობაში ყოველდღე ვლოცულობდი, რომ ეს დღე დამდგარიყო და ციხე დამეტოვებინა. ბედნიერი ვარ, რომ ეს შევძელი", - უთხრა გათავისუფლებულმა ABC-ის.

თავად ამოსი აღნიშნულ ბრალდებას უარყოფს, ის ციხეში სხვა დანაშაულის გამო იმყოფება. იმის გამო, რომ დანაშაულს ხანდაზმულობის ვადა აქვს გასული, აღნიშნულ საქმეზე მას სასჯელი არ ემუქრება.