საგანგებო სიტუაციების მართვის სამსახურის ცნობით, ძლიერი ქარის გამო, ღამის 12:00 საათის მონაცემებით იმერეთის, სამეგრელო-ზემო სვანეთისა და გურიის რეგიონებიდან შემოსულია 465 შეტყობინება.

მათ შორის:

  • იმერეთიდან - 350;
  • სამეგრელო-ზემო სვანეთიდან - 110;
  • გურიიდან - 15.

იმერეთი

ფოტო: საგანგებო სიტუაციების მართვის სამსახური

გამოძახებების უმრავლესობა (250) დაფიქსირდა ქალაქ ქუთაისიდან. ძლიერმა ქარმა წააქცია 150 ხე, დააზიანა 5 ავტომანქანა, 170 შენობას ახადა სახურავი.

სამეგრელო-ზემო სვანეთი

ფოტო: საგანგებო სიტუაციების მართვის სამსახური

ძლიერმა ქარმა დააზიანა 1 ავტომანქანა, 46 შენობას გადახადა სახურავი და წააქცია 44 ხე. დაზიანებულია ელექტროსადენები.

გურია

ყველაზე მეტი შეტყობინება ლანჩხუთიდან დაფიქსირდა, სადაც ძირითადად, დაზიანდა ელექტრო სადენები და წაიქცა ხეები.

მოგლეჯილი ხეები ელექტროგადამცემ ხაზებს დაეცა, რის გამოც სტიქიის ზონებში დენის მიწოდება შეზღუდულია.