ძლიერი ქარის გამო, საგანგებო სიტუაციების მართვის სამსახურში, 21:30 საათის მონაცემებით, იმერეთის, სამეგრელო-ზემო სვანეთისა და გურიის რეგიონებიდან 389 შეტყობინება შევიდა.

მათ შორის:

  • იმერეთიდან — 300;
  • სამეგრელო-ზემო სვანეთიდან — 75;
  • გურიიდან — 14.

უწყების განმარტებით, ყველაზე მეტი ზარი (200) დაფიქსირდა ქუთაისიდან. ძლიერმა ქარმა წააქცია 130 ხე, დააზიანა 5 ავტომანქანა, 150 შენობას ახადა სახურავი.

სამეგრელო-ზემო სვანეთში ძლიერი ქარის შედეგად მსუბუქად დაშავდა ორი მოქალაქე, დაზიანდა 1 ავტომანქანა. ქარმა 32 შენობას გადახადა სახურავი და წააქცია 40 ხე.

გურიაში ყველაზე მეტი შეტყობინება ლანჩხუთიდან დაფიქსირდა, სადაც ძირითადად, დაზიანდა ელექტრო სადენები და წაიქცა ხეები.

სამივე რეგიონში მობილიზებულია საგანგებო სიტუაცების მართვის სამსახურის 450 მეხანძრე-მაშველი.

ფოტო: საგანგებო სიტუაციების მართვის სამსახური

ფოტო: საგანგებო სიტუაციების მართვის სამსახური

ფოტო: საგანგებო სიტუაციების მართვის სამსახური