გერმანიაში 18 წლის მოზარდს მართვის მოწმობა აღებიდან 49 წუთში ჩამოართვეს, წერს BBC.

როგორც გამოცემა აღნიშნავს, მართვის მოწმობის გამოცდის წარმატებით ჩაბარების შემდეგ მოზარდი სახლში ბრუნდებოდა, როდესაც პოლიციამ გააჩერა. გზაზე, სადაც ნებადართული იყო 50 კილომეტრი საათში, მან 95 კილომეტრ საათს გადააჭარბა.

"არის რაღაცები, რაც სამუდამოდ გრძელდება, რაღაცები კი — 1 საათსაც არა", — განმარტა პოლიციის ადგილობრივმა დეპარტამენტმა ოფიციალურ განცხადებაში.

პოლიციის განმარტებით, მოზარდი მართვის მოწმობის დაბრუნებას ოთხი თვის შემდეგ მხოლოდ განმეორებითი გამოცდის ჩაბარების შემდეგ შეძლებს. გარდა ამისა, წესების დამრღვევს 200 ევროთი დააჯარიმებენ, ხოლო მისი გამოსაცდელი ვადა, როგორც დამწყები მძღოლის, ორიდან ოთხ წლამდე გაიზრდება.