საქართველოს მართლმადიდებელი ეკლესიის პატრიარქის ქორეპისკოპოსმა, მეუფე იაკობმა მიაჩნია, რომ ადამიანებს მარიხუანის მოწევისთვის არ უნდა აკავებდნენ და მას სახელმწიფო უნდა დაეხმაროს.

"შესაბამისი მკურნალობა უნდა მიიღოს სახელმწიფოსგან. ნარკომანები ძალიან საშიში ხალხია. თუ გაიხსენებთ, ცოლები გადაჰყავდათ და წამალში ცვლიდნენ. ამას სერიოზული დაფიქრება უნდა", — აღნიშნა მეუფე იაკობმა.

რაც შეეხება სამეციდინო მიზნით მარიხუანის წარმოებასა და მის ექსპორზტე გატანას, მეუფე იაკობი მიიჩნევს, რომ ქვეყანას ეს საფრთხეს მოუტანს. ის ამ გადაწყვეტილებაში ავღანეთისა და კოლუმბიის მსგავს საფრთხეებს ხედავს.

საქართველოს შინაგან საქმეთა სამინისტრო სამთავრობო გუნდთან ერთად მუშაობს კანონპროექტზე, რომელიც მარიხუანისგან წარმოებული მედიკამენტების ექსპორტზე გატანას გულისხმობს.

მარიხუანის მიერ დამზადებული სამედიცინო მედიკამენტების მოხმარება ლეგალურია მსოფლიოს არაერთ ქვეყანაში, მათ შორისაა დიდი ბრიტანეთი, ავსტრალია, ნიდერლანდები, აშშ-ს ზოგიერთი შტატი, კანადა, ურუგვაი, ისრაელში და პორტუგალია.