ფეხბურთელ გურამ კაშიას მხარდაჭერა ფეისბუქზე გრძელდება. ამჯერად მხარდამჭერთა რიგებს ბათუმის დინამოც შეუერთდა. საფეხბურთო კლუბმა ფეისბუქის გვერდზე კაშიას ფოტო გამოაქვეყნდა ტექსტით:

"ს.კ. "დინამო" ბათუმი მხარდაჭერას უცხადებს გურამ კაშიას.და გმობს ძალადობის ნებისმიერ გამოვლინებას. "ყველას უნდა ჰქონდეს შესაძლებლობა ფეხბურთით დატკბეს, არ აქვს მნიშვნელობა ვინ ხარ, საიდან ხარ და როგორ თამაშობ, ეს თანასწორი თამაშია"
წარმატებები გურამს საქართველოს ეროვნულ საფეხბურთო ნაკრებთან ერთად".

#გურამშენთანვართ - ამ ჰეშთეგით ქართულ ინტერნეტსივრცეში საქართველოს ნაკრების ფეხბურთელის, გურამ კაშიას მხარდასაჭერი კამპანია მიმდინარეობს. მას შემდეგ, რაც კაშია ლგბტ სამკლაურის გაკეთებისა და UEFA-ს თანასწორობის ჯილდოს გამო ონლაინ ბულინგის მსხვერპლი გახდა, მან ფეისბუქი გააუქმა და ინსტაგრამის ანგარიში დახურა. ქართული ინტერნეტი კი მის მხარდასაჭერად გაერთიანდა.

კაშიას მხარდაჭერას უცხადებენ ფეხბურთელები, ჟურნალისტები, პოლიტიკური და საზოგადო მოღვაწეები და არასამთავრობო ორგანიზაციები.