საფრანგეთში თექვსმეტი წლის მოზარდი დააკავეს, მას ბრალად ტერორისტული აქტის დაგეგმვაში თანამონაწილეობა ედება. ანონიმური წყარო აცხადებს, რომ მოზარდს ტერორისტებთან ონლაინ კომუნიკაცია ჰქონდა. ინფორმაციას France 24 ავრცელებს.

როგორც ფრანგული ტელეარხი აცხადებს, ბრალდადებული საიდუმლო ფეისბუკ ჯგუფის ადმინისტრატორი იყო. მას თავისი ასაკისათვის ზედმეტად რადიკალურ პიროვნებად მიიჩნევენ.

ანონიმურმა წყარომ საგამოძიებო ორგანოებთან განაცხადა, რომ ის ისლამურ სახელმწიფოს უამრავ მესიჯს უგზავნიდა, რომლითაც თავდასხმებისკენ მოუწოდებდა.

16 წლის გოგო გასულ ხუთშაბათს დააკავეს და ამჟამად ანტიტერორისტული ჯგუფის მეთვალყურეობის ქვეშაა.გაჩხრიკეს მისი სახლიც, თუმცა არც ასაფეთქებელი ნივთიერება და არც იარაღი არ აღმოუჩენიათ.

ამ ეტაპზე გამოძიება მიმდინარეობს, მოწმდება მისი მობილური ტელეფონი და კომპიუტერი.