ბელგიის ერთ–ერთ ქალაქ შარლეროაში უცნობი პირი პოლიციის განყოფილების წინ მყოფ 2 პოლიციელს მაჩეტეთი დაესხა თავს. მესამე პოლიციამ თავდამსხმელს ესროლა, რის შემდეგაც ის საავადმყოფოში კრიტიკულ მდგომარეობაში გადაიყვანეს.

შარლეროის პოლიცია ტვიტერზე წერს, რომ თავდამსხმელი პოლიციელებს რომ მიუახლოვდა, არაბულად ყვიროდა "დიდება ალაჰს!". ჯერჯერობით, ის იდენტიფიცირებული არ არის, შესაბამისად, გაურკვეველია მისი კავშირი რომელიმე ტერორისტულ დაჯგუფებასთან.

ევროპულ ქალაქებში ბოლო რამდენიმე კვირის განმავლობაში არაერთი მსგავსი შემთხვევა მოხდა. მაჩეტეთი თავდასხმას ერთი პირი ემსხვერპლა გერმანიაში რამდენიმე კვირის წინ, ორი კი დაიჭრა. აღნიშნულამდე რამდენიმე დღით ადრე კი, ნაჯახით შეიარაღებული ავღანელი ლტოლვილი მატარებელში თავს დაესხა მგზავრებს და 5 პირი მნიშვნელოვნად დააზიანა. თავდასხმაზე პასუხისმგებლობა ტერორისტულმა ორგანიზაცია ისლამურმა სახელმწიფომ აიღო. თავდამსხმელი პოლიციამ მოკლა. 23 ივლისს მორიგ თავდასხმას გერმანიაში 10 ადამიანი ემსხვერპლა, არაერთი დაშავდა. როგორც გაირკვა, თავდამსხმელს ფსიქიკური პრობლემები ჰქონდა, იზიარებდა ანდერს ბრეივიკის იდეებს, იყო სკოლაში ბულინგის მსხვერპლი, რის გამოც თანაკლასელებს ის არაერთხელ დამუქრებია მოკვლით.