კალიფორნიის შტატის ოფიციალურმა პირებმა განაცხადეს, რომ ტყის ხანძრებს, სავარაუდოდ, სექტემბრამდე ვერ ჩააქრობენ. სამაშველო სამსახურის განმარტებით, ხანძარი სულ მცირე სექტემბრის პირველ კვირამდე მაინც იქნება. ამ ეტაპისთვის ხანძრის ლოკალიზება ტერიტორიის ნახევარზე ხერხდება.

წელს ტყის ხანძრები კალიფორნიის ისტორიაში ყველაზე მასშტაბური გახდა. პრეზიდენტმა, დონალდ ტრამპმა შტატში საგანგებო რეჟიმი გამოაცხადა.

ხანძრის ყველაზე დიდმა კერამ "მენდოსინოს კომპლექსის" (The Mendocino Complex) სახელწოდება მიიღო. მის შექმნას ორი სხვა დიდი კერის გაერთიანებამ შეუწყო ხელი. როგორც ცნობილია, ხანძარმა უკვე დაფარა 117 639 ჰექტარი და ის აგრძელებს ზრდას. ჯერჯერობით მეხანძრეები ცეცხლმოკიდებული ტერიტორიის მხოლოდ მესამედს აკონტროლებს.

ცეცხლთან ბრძოლაში მეხანძრე-მაშველებს ხელს უშლის ძლიერი ქალი და დაბალი ტენიანობა. უახლოეს დღეებში ჰაერის ტემპერატურამ, შესაძლოა 43 გრადუსამდე აიწიოს, რაც, ასევე, შეუშლის ხელს ხანძართან ბრძოლას.