მმართველის პარტიის წევრი გუგული მაღრაძე მარიხუანის მოხმარების ლეგალიზაციის შესახებ საკონსტიტუციო სასამართლოს გადაწყვეტილებას გამოეხმაურა. მისი თქმით, საკონსტიტუციოს გადაწყვეტილება იყო ნაჩქარევი და არ ითვალისწინებდა მოსახლეობის უმრავლესობის დამოკიდებულებას.

"თუ ახლა ხშირი იქნა ის შემთხვევები, რომ ჩვენ მმართველი უმრავლესობა საკმაოდ უხერხულ მდგომარეობაში ჩავდექით ჩვენს მოსახლეობასთან, მაშინ, ალბათ, უნდა გადავხედოთ გარკვეულ საკითხებს", - განაცხადა გუგული მაღრაძემ.

30 ივლისს საკონსტიტუციო სასამართლომ პარტია გირჩის წევრების სარჩელი დააკმაყოფილა, რითაც მარიხუანის მოხმარება სრულად ლეგალური გახდა. ეს ნიშნავს იმას, რომ თუ მოწევის დროს პოლიციამ დაგინახათ ან ორგანიზმში აღმოგიჩინეს მარიხუანა, ჯარიმა აღარ დაგეკისრებათ.

გადაწყვეტილებას უარყოფითი რეაქცია მოჰყვა სასულიერო პირების მხრიდან. ზოგიერთი მათგანი საკონსტიტუციო სასამართლოს გაუქმებასაც მოითხოვს.

პრეზიდენტი გიორგი მარგველაშვილის კი მიიჩნევს, რომ მარიხუანის მოხმარების ლეგალიზაცია სწორი და თავისუფლებაზე ორიენტირებული გადაწყვეტილებაა.

ამავე თემაზე: